Qavi Levandovskidən narazıdır

“Barselona”nın yarımmüdafiəçisi Qavi komanda yoldaşı Robert Levandovskinin hərəkətindən narazı qalıb.

36 yaşlı polşalı forvard “Atletiko” ilə matçda aşkar qol şansını əldən verib, ancaq Qavinin şikayətlərinin mahiyyəti başqadır.

Komanda.az “Diario Sport”-a istinadən xəbər verir ki, matç zamanı 20 yaşlı futbolçu dəfələrlə komanda yoldaşından narazılığını ifadə edib. Çünki o, düşünüb ki, Levandovski “Atletiko” müdafiəçilərinə kifayət qədər təzyiq göstərməyib və Kleman Lanqleyə sakitcə hücumları dəf etməyə imkan verib.

Qavinin fasilə zamanı Levandovskiyə topsuz daha aktiv işləməli olduğunu açıq şəkildə dediyi də vurğulanır.

Hans Diter Flikin komandası şənbə günü La Liqa matçında “Atletiko”ya uduzub (1:2).