Moyes “Ayntraxt”ın necə futbol oynadığını sonradan başa düşüb

“Vest Hem”in baş məşqçisi David Moyes Avropa Liqasının yarımfinal mərhələsinin “Ayntraxt”la keçiriləcək cavab oyunu ilə bağlı gözləntilərini bölüşüb.

Komanda.az UEFA-nın mətbuat xidmətinə istinadən xəbər verir ki, o, finala çıxmaq şanslarının rəqiblə eyni olduğunu deyib:

“İlk oyunda “Ayntraxt”la bağlı yeni heç nə öyrənmədim. Onların necə futbol oynadıqlarını sonradan başa düşdüm. Düşünürəm ki, komandalar bərabər idi. Ola bilsin ki, qarşıdakı matçda fərqli futbol görəcəyik. Amma inanırıq ki, bizim də finala çıxmaq şansımız onlarla eynidir”.

“Vest Hem” ilk oyunda “Ayntraxt”a 1:2 hesabı ilə uduzub. Cavab oyunu bu gün, saat 23:00-da başlayacaq.