Premyer Liqa klubu Qarnaço üçün hərəkətə keçib

“Mançester Yunayted”in hücumameyilli yarımmüdafiəçisi Alexandro Qarnaço İngiltərənin başqa klubuna keçə bilər.

Komanda.az xarici KİV-ə istinadən xəbər verir ki, “Çelsi” argentinalı futbolçu ilə maraqlanır. Tərəflər mümkün sövdələşmə ilə bağlı ilkin danışıqlar aparıblar.

Qarnaçonun “qırmızı şeytanlar”la müqaviləsinin müddəti 2028-ci ilin yayında başa çatacaq. 21 yaşlı vinger son mövsümdə 58 oyun keçirib, 11 qol vurub və 10 məhsuldar ötürmə edib.