“Qarabağ”la oyunu buraxa bilər – “Sürix”in aparıcı futbolçusu

“Sürix”in təcrübəli futbolçusu Blerim Cemaili İsveçrədə “Qarabağ”a qarşı keçirəcəkləri UEFA Çempionlar Liqasının 2-ci təsnifat mərhələsinin cavab matçını buraxa bilər.

Komanda.az xəbər verir ki, bu barədə məlumatı “Sürix”in baş məşqçisi Franko Foda verib. O, Cemailinin “Lutsern”lə İsveçrə çempionatının 2-ci tur oyunundan (0:0) sonra əzələsində problem yarandığını deyib.

Baş məşqçi 36 yaşlı futbolçunun durumuna tibbi müayinədən sonra aydınlıq gələcəyini bildirib.

İyulun 27-də “Letsiqrund” stadionunda keçiriləcək oyun saat 21:00-da başlayacaq. “Qarabağ” ilk matçda 3:2 hesablı qələbə qazanıb.

Bizi Telegramda izləyin