“Qarabağ”la oyunda da xal qazanmaq istəyirik” – Rumıniyalı futbolçu

“Qarabağ”la oyunda da xal qazanmaq istəyirik”.

Komanda.az xəbər verir ki, bunu Rumıniyanın FCSB komandasının futbolçusu David Mikulesku deyib. O, Ukraynanın “Dinamo” (Kiyev) klubuna 1:2 hesabı ilə uduzduqları yoxlama görüşündən sonra yerli mətbuata açıqlama verib.

Rumıniyalı oyunçu fərqləndiyi üçün sevindiyini deyib:

“Amma təəssüf ki, hesabı bərabərlişdirə bilmədik. Komandaya kimlərin gəlməsinin fərqi yoxdur. Biz hamımız yaxşı oyunçuyuq. UEFA Avropa Liqasında “Qarabağ”la səfərdə üz-üzə gələcəyik, xal qazanmağa davam etmək istəyirik. Baxmayaraq ki, çoxu artıq pley-offa vəsiqə qazandığımızı deyir”.

UEFA Avropa Liqasının Liqa mərhələsinin 7-ci turunda keçiriləcək “Qarabağ” – FCSB matçı saat 21:45-də başlayacaq. “Qarabağ” 3 xalla 33-cü, FCSB 11 xalla 10-cu sıradadır.