![](https://komanda.az/wp-content/uploads/2021/03/Xayme-Romero.jpg)
Romero: “Çempionatda bütün komandalar ciddi müqavimət göstərib, xal qazanmaq istəyirlər”
“Qarabağ”ın yarımmüdafiəçisi Xayme Romero klubun rəsmi saytına açıqlama verib.
Komanda.az xəbər verir ki, ispaniyalı futbolçu əvvəlcə Azərbaycan xalqını Novruz bayramı münasibəti ilə təbrik edib və hazırlıq barədə danışıb:
“Azərbaycanda olduğum müddətdə bu ölkənin adət-ənənələrini yaxşı öyrənmişəm. Bilirəm ki, qarşıdan Novruz bayramı gəlir və fürsətdən istifadə edib bu münasibətlə bütün azərbaycanlıları, xüsusilə də, komandamızın azarkeşlərini təbrik edirəm. Çempionatda fasilə olsa da, bizim üçün bu fasilə bitib. Məşqlərimiz davam edir. Amma çətinlik çəkdiyimizi söyləməliyəm. Çətinlik deyəndə, nəzərdə tutduğum əsas heyətin cəmi 7 futbolçusu ilə hazırlığı davam etdirməyimizdir. Həftəsonları oyunların keçirilməyəcəyini nəzərə alsaq, əvvəlki gərginliyimiz yoxdur. Buna baxmayaraq, məşq proseslərindən maksimum yararlanmalıyıq. Çünki Premyer Liqada vacib oyunlar bizi gözləyir. Çempionatda bütün komandalar ciddi müqavimət göstərib, xal qazanmaq istəyirlər. Qalan oyunlar çox çətin keçəcək. “Neftçi”nin də ciddi rəqabət apardığını nəzərə alsaq, çempionluğun taleyini müəyyənləşdirmək asan olmayacaq. Bütün oyunlar həlledicidir və bu matçlardan maksimum yararlanmağa çalışacağıq”.
Bizi Facebook-da izləyin