“Qarabağ”ın UEFA reytinqində növbəti xalları

“Qarabağ”ın UEFA Avropa Liqasının pley-off mərhələsindəki çıxışı Azərbaycana UEFA reytinqində növbəti xalları qazandırıb.

Komanda.az xəbər verir ki, Ağdam təmsilçisi Bakıda Sloveniya “Olimpiya”sı ilə 1:1 hesabı ilə bərabərə qalaraq, ölkə reytinqinə 0,125 xal əlavə edib.

Bununla ölkənin cari mövsümdəki xalları 2,625 olub. Son 5 mövsümdəki ümumi əmsallarının sayı 16,875-ə çatan Azərbaycan reytinqdə 29-cu pillədədir. Bir addım irəlidə olan Slovakiya ilə aradakı fərq 0,500 əmsala bərabərdir.

Baş tutan oyunlar Türkiyə, Danimarka, İsveç, Qazaxıstan, Bosniya və Herseqovinanın irəliləməsinə, Şotlandiya, Norveç, İsrail, Rumıniya, Ermənistan və Şimali İrlandiyanın geriləməsinə səbəb olub.

Reytinqə 89,178 xalla İngiltərə başçılıq edir. İspaniya (75,989) ikinci, İtaliya (71.712) isə üçüncü pillədə yer alıb.