“Qarabağ”ın sabiq məşqçisi “Rabotniçki”yə baş məşqçi təyin olundu

“Qarabağ” və “Zirə” klublarında məşqçi kimi çalışmış Borçe Xristov karyerasını baş məşqçi kimi davam etdirəcək.

Komanda.az xəbər verir ki, Azərbaycanın aşağı yaş qruplarından ibarət yığmalarında da məşqçilik etmiş şimali makedoniyalı mütəxəssis ölkəsinin “Rabotniçki” klubuna baş məşqçi təyin edilib. Bu barədə klubun rəsmi saytı məlumat yayıb.

Şimali Makedoniyanın ən titullu və tanınmış klublarından olan “Rabotniçki” Xristovla 2023-cü ilin yanvarına qədər müqavilə imzalayıb.