“Qarabağ”ın rəqibi PSJ-nin futbolçusunu istəyir

UEFA Avropa Liqasının pley-off mərhələsində “Qarabağ”ın rəqibi olan “Braqa” yeni futbolçu transfer etməyi planlaşdırır.

Komanda.az “Ekip” nəşrinə istinadən xəbər verir ki, Portuqaliya klubu PSJ-dən Şer Nduru icarəyə götürməyi planlaşdırır.

Bu mövsüm 3 oyunda cəmi 25 dəqiqə meydanda olan yarımmüdafiəçi baş məşqçi Luis Enrikenin planlarına daxil deyil. “Braqa” ilə yanaşı, “Beşiktaş” da italiyalı futbolçunu heyətinə cəlb etməyə çalışır.

“Qarabağ”la “Braqa” arasındakı ilk görüş bu il fevralın 15-də Portuqaliyada, cavab oyunu isə bir həftə sonra Bakıda olacaq.