“Qarabağ”ın rəqibi kubokda mərhələ adladı

Futbol üzrə Fransa kubokunda 1/32 final mərhələsinin oyunları keçirilib.

Komanda.az xəbər verir ki, “Qarabağ”ın Avropa Konfrans Liqasının pley-off mərhələsindəki rəqibi olan Marsel “Olimpik”i də növbəti matçına çıxıb.

Sözügedən kollektiv doğma meydanda aşağı liqa təmsilçisi “Kannet Roşvil”lə qarşılaşıb. “Qarabağ”ın rəqibi bu oyundan 4:1 hesablı qələbə ilə ayrılıb. Nəticədə Marsel təmsilçisi 1/16 finala vəsiqə qazanıb.

“Qarabağ”la “Olimpik” arasındakı ilk matç fevralın 17-də Marseldə, cavab qarşılaşması isə həmin ayın 24-də Bakıda baş tutacaq.