“Qarabağ”ın rəqibindən inamlı qələbə

Futbol üzrə İsveçrə çempionatında 15-ci turun oyunları keçirilib.

Komanda.az xəbər verir ki, Avropa Konfrans Liqasında “Qarabağ”ın rəqiblərindən olan “Bazel” də növbəti matçına çıxıb.

Sözügedən kollektiv səfərdə “Lütsern”lə qarşılaşıb. “Qarabağ”ın rəqibi bu oyundan qələbə ilə ayrılıb – 3:1.

“Bazel” 15 turdan sonra 29 xalla 10 kollektiv ikinci pillədə qərarlaşıb. Sözügedən komandanın ehtiyatda da bir oyunu var.

“Qarabağ” “Bazel”lə Bakıda baş tutan ilk oyundan qolsuz heç-heçə ilə ayrılıb. Bu komandalar arasındakı ikinci matç dekabrın 10-da İsveçrədə baş tutacaq.