“Qarabağ”ın rəqibindən inamlı qələbə

“Qarabağ”ın Avropa Liqasının 3-cü təsnifat mərhələsindəki rəqibi HJK Finlandiya çempionatında növbəti matçına çıxıb.

Komanda.az xəbər verir ki, Helsinki təmsilçisi evdə “Mariehamn”la qarşılaşıb.

Görüş meydan sahiblərinin 4:2 hesablı qələbəsi ilə yekunlaşıb. “Qarabağ”ın rəqibi bu qələbə sayəsində 37 xalla çempionatın liderinə çevrilib. KuPS ilə SJK isə 35 xalla 2-3-cü yerləri bölüşürlər.

“Qarabağ”la HJK arasındakı ilk görüş avqustun 10-da Bakıda, cavab görüşü bir həftə sonra Helsinkidə baş tutacaq.