“Qarabağ”ın rəqibi səfərdən xalsız döndü

Futbol üzrə Yunanıstan çempionatında 5-ci turun oyunları keçirilib.

Komanda.az xəbər verir ki, “Qarabağ”ın Avropa Liqasının qrup mərhələsindəki rəqiblərindən olan “Olimpiakos” da növbəti matçına çıxıb.

Pirey təmsilçisi səfərdə “Aris”lə qarşılaşıb. Üç qolun qeydə alındığı matçda “Qarabağ”ın rəqibi 1:2 hesablı məğlubiyyətə üzülüb. 15-ci dəqiqədə hesabı açan “Olimpiakos”, 76 və 80-ci dəqiqələrdə buraxdığı qollarla meydanı xalsız tərk edib.

5 turdan sonra 8 xalı olan “Olimpiakos” 14 iştirakçı arasında 6-cı pillədə qərarlaşıb.

“Qarabağ” “Olimpiakos”a qarşı ilk matçını 6 oktyabrda səfərdə, ikinci oyununu isə 13 oktyabrda Bakıda keçirəcək.