“Qarabağ”ın rəqibi “Real”la heç-heçəyə razılaşdı

Futbol üzrə İspaniya La Liqasında 10-cu turun oyunları keçirilir.

Komanda.az xəbər verir ki, Avropa Liqasının qrup mərhələsində Azərbaycan çempionu “Qarabağ”ın rəqiblərindən olan “Vilyarreal” da növbəti matçına çıxıb.

Sözügedən komanda doğma meydanda Madrid “Real”ı ilə qarşılaşıb. “Qarabağ”ın rəqibi bu oyundan 1:1 hesablı heç-heçə ilə ayrılıb.

Hazırda 19 xalı olan “Vilyarreal” 2-ci pillədə qərarlaşıb.

“Qarabağ” Avroliqanın qrup mərhələsinin 2-ci turu çərçivəsində qarşılaşdığı “Vilyarreal”la oyundan 1:3 hesabıyla məğlub ayrılıb. Növbəti oyun dekabrın 11-də İspaniyada baş tutacaq.