“Qarabağ”ın rəqibinə 1 qol bəs etdi

İspaniya La Liqasında 9-cu tura yekun vurulub.

Komanda.az xəbər verir ki, açılış oyununda “Qranada” “Osasuna”nı qəbul edib. Meydan sahibləri bu görüşdə minimal hesabla üstün olublar.

“Barselona” bu turda “Eybar”, “Real” isə “Malyorka” səfərinə yollanıb. Kataloniya təmsilçisi böyük hesabla qələbə qazandığı halda, Madrid klubu minimal hesabla məğlub olub. Turun mərkəzi görüşündə “Atletiko” “Valensiya”nı qəbul edib. Bu oyunda isə qalib müəyyənləşməyib.

Sonuncu oyun gününə 5 qarşılaşma təsadüf edib. “Alaves” “Selta”nı, “Real Sosyedad” “Betis”i məğlub yola salıb. “Espanyol” evdə “Vilyarreal”a uduzubsa, “Atletik” – “Valyadolid” qarşılaşmasında qalib müəyyənləşməyib.

“Qarabağ”ın Avropa Liqasındakı rəqiblərindən olan “Sevilya” isə “Levante”ni sınağa çəkib. Andalusiya təmsilçisi bu görüşdə minimal hesabla üstün olub.

İspaniya La Liqası, 9-cu tur

18 oktyabr

Qranada – Osasuna 1:0
Qol: Duarte, 38.

19 oktyabr

Eybar – Barselona 0:3
Qol: Qrizmann, 13. Messi, 58. L.Suares, 66.

Atletiko – Valensiya 1:1
Qol: D.Kosta, 36-pen – Parexo, 82.

Xetafe – Leqanes 2:0
Qol: Anxel, 64; 84.

Malyorka – Real 1:0
Qol: L.Junior, 7.

20 oktyabr

Alaves – Selta 2:0
Qol: Maqallan, 50. L.Peres, 82.

Real Sosyedad – Betis 3:1
Qol: X.Qarsiya, 22-öz qapısına. Villian, 36. Portu, 58 – Loren, 12.

Espanyol – Vilyarreal 0:1
Qol: Ekambi, 17.

Atletik – Valyadolid 1:1
Qol: Uilyams, 33 – İ.Martines, 68-öz qapısına.

Sevilya – Levante 1:0
Qol: De Yonq, 86.

Bombardir: Loren (Betis) – 7 qol.