“Qarabağ”ın rəqibi doğma meydanda sevindi

Futbol üzrə Belçika çempionatında 20-ci turun oyunları keçirilib.

Komanda.az xəbər verir ki, Avropa Konfrans Liqasının pley-off mərhələsində “Qarabağ”ın rəqibi olan “Gent” də növbəti matçına çıxıb.

Sözügedən komanda doğma meydanda “Kortreyk”lə qarşılaşıb. “Qarabağ”ın rəqibi bu oyunda 2:1 hesablı qələbəyə sevinib. “Gent”in hər iki qolunu 7 və 69-cu dəqiqələrdə fərqlənən Huqo Kuypers vurub.

“Gent” bu qələbədən sonra 34 xalla 5-ci pillədə qərarlaşıb.

“Qarabağ” Belçika təmsilçisinə qarşı ilk matçını fevralın 16-da evdə, cavab qarşılaşmasını isə fevralın 23-də səfərdə keçirəcək.