“Qarabağ”ın rəqibi baş məşqçisinə görə “Real”la danışıqlara hazırdır

“Real” “Bayer”ın çalışdırıcısı Xabi Alonsonu baş məşqçi postuna dəvət etmək istəyir.

Komanda.az “DeadlineDayLive”-a istinadən xəbər verir ki, Almaniya klubunun rəhbərliyi Madrid təmsilçisi ilə danışıqlara hazırdır. “Bayer” Alonsonu onun üçün 15-18 milyon avro təzminat ödənəcəyi təqdirdə buraxacaq. Tərəflər razılaşarsa, Xabi Alonso 2024-cü ilin yayında Karlo Ançelottini əvəzləyəcək.

“Bayer” Bundesliqanın 11 turundan sonra turnir cədvəlinə başçılıq edir.

“Bayer” Avropa Liqasının qrup mərhələsində “Qarabağ”ın rəqibidir.