“Qarabağ”ın rəqibi Bakı səfəri öncəsi məğlub oldu

Fransa çempionatında 7-ci turun oyunları keçirilir.

Komanda.az xəbər verir ki, “Qarabağ”ın Avropa Liqasının qrup mərhələsində rəqiblərindən olan “Nant” da növbəti oyununa çıxıb.

Sözügedən komanda səfərdə “Loryan”la qarşılaşıb. Beş qolun qeydə alındığı matçda meydan sahibləri 3:2 hesabıyla qalib gəliblər. 13-cü dəqiqədə hesabı açan “Nant” üç qol buraxdıqdan sonra 85-ci dəqiqədə matçın yekun nəticəsini müəyyənləşdirib.

“Nant” 7 turdan sonra 6 xalla 20 iştirakçı arasında 15-ci pillədə qərarlaşıb. “Qarabağ”ın bu komandaya qarşı ilk oyunu sentyabrın 15-də Bakıda, ikinci matçı isə oktyabrın 27-də səfərdə olacaq.