“Qarabağ”ın rəqibindən yeni müqavilə

“Qarabağ”ın UEFA Avropa Liqasının qrup mərhələsindəki rəqiblərindən olan Yunanıstan “Olimpiakos”u növbəti futbolçu transferini gerçəkləşdirib.

Komanda.az klubun rəsmi saytına istinadən xəbər verir ki, ölkə çempionu Panayotis Retsosu heyətinə qatıb.

24 yaşlı müdafiəçi ilə imzalanan müqavilənin detalları açıqlanmayıb.

Retsos son olaraq İtaliyada “Verona”nın formasını geyinib. “Olimpiakos”un öz yetirməsi olan futbolçu 2017-ci ildə Almaniyanın “Bayer” (Leverkuzen) klubuna transfer olub.