“Qarabağ”ın rəqibindən növbəti məğlubiyyət

“Qarabağ”ın UEFA Avropa Liqasının pley-off mərhələsindəki rəqibi “Braqa” Portuqaliya çempionatında növbəti oyununu keçirib.

Komanda.az xəbər verir ki, Artur Jorjenin baş məşqçisi olduğu komanda 17-ci turda “Portu”nun qonağı olub.

Qarşılaşma meydan sahiblərinin 2:0 hesablı qələbəsi ilə yekunlaşıb. “Portu” xallarının sayını 38-ə çatdırıb və 3-cü pillədədir. “Braqa” isə 33 xalla dördüncüdür.

Xatırladaq ki, Portuqaliya təmsilçisi bundan əvvəl ölkə kuboku matçında “Benfika”ya 3:2 hesabı ilə məğlub olub.

“Qarabağ”la “Braqa” arasında matçlar fevralın 15-də və 22-də keçiriləcək.