“Qarabağ”ın qapıçısı milliyə dəvət alıb

“Qarabağ” klubunun qapıçısı Andrey Lunyov Rusiya millisinə dəvət edilib.

Komanda.az Rusiya mətbuatına istinadən xəbər verir ki, komandanın təlim-məşq toplanışı martın 14-15-də başlayacaq.

38 futbolçudan ibarət ilkin heyətdə 4 qapıçının adı var. Hazırlıq prosesinə Andrey Lunyovla yanaşı, Matvey Safonov (“Krasnodar”), İlya Lantratov ( “Lokomotiv”) və Aleksandr Maksimenko (“Spartak”, Moskva”) da qatılacaqlar.

Rusiya millisi martın 21-də Serbiya, 25-də isə Paraqvayla Moskvada yoldaşlıq oyunu keçirəcək.