“Qarabağ”ın oyununa 5 manata da bilet var, 200 manata da

Avropa Liqasının pley-off mərhələsində keçiriləcək “Qarabağ” – “Olimpiya” (Sloveniya) oyununun biletləri avqustun 23-ü saat 11:00-dan iticket.az-da satışa çıxarılacaq.

Komanda.az xəbər verir ki, avqustun 31-i saat 20:00-da Tofiq Bəhramov adına Respublika stadionunda keçiriləcək matçın biletlərinin qiyməti müvafiq olaraq 5, 10, 20, 30, 75 və 100 manat təşkil edir.

Bundan əlavə, VVIP C və VVIP D sektorlara bilet alaraq, VIP Lounge üstünlüklərindən yararlanmaq istəyən azarkeşlər üçün biletlərin qiyməti isə 200 manatdır.

Biletləri Iticket.az-ın satış məntəqələrindən (iticket.az-da onlayn satış), “Qarabağ”ın “Park Bulvar”dakı fan-şopundan, eləcə də Tofiq Bəhramov adına Respublika stadionunun kassalarından almaq mümkün olacaq.