“Qarabağ”ın legioneri milliyə dəvət aldı

“Qarabağ”ın yarımmüdafiəçisi Marko Veşoviç Monteneqro yığmasına dəvət alıb.

Komanda.az xəbər verir ki, bu barədə Ağdam klubunun mətbuat xidməti məlumat yayıb.

Xəbərdə bildirilir ki, Veşoviç dünya çempionatının seçmə mərhələsi çərçivəsində sentyabrın 1-də Türkiyə, 4-də Niderland, 7-də isə Latviya ilə keçiriləcək oyunlar üçün milliyə çağırılıb.

Veşoviç Ağdam klubuna bu yay transfer olunub.