“Qarabağ”ın rəqibi “Vulverhempton”un hücumçusu ilə gücləndi

“Qarabağ”ın Konfrans Liqasının pley-off mərhələsindəki rəqibi “Aberdin” heyətini yeni futbolçu ilə gücləndirib.

Komanda.az xəbər verir ki, “Aberdin” İngiltərənin “Vulverhempton” klubundan Ostin Samuelsi heyətinə qatıb. Bu barədə Şotlandiya təmsilçisinin mətbuat xidməti məlumat yayıb. 20 yaşlı hücumçu 2021/2022 mövsümünü icarə əsasında “Aberdin”də keçirəcək.

Ostin “Vulverhempton” klubunun yetirməsidir. O, “canavarlar”ın əsas komandası ilə oyuna çıxmayıb.

“Aberdin” – “Qarabağ” matçı avqustun 26-da keçiriləcək. Komandalar arasında Bakıda baş tutan ilk görüşdə “Qarabağ” 1:0 hesablı qələbə qazanıb.