“Qarabağ”ın keçmiş futbolçusu Türkiyədə klubunu dəyişdi

“Qarabağ”ın keçmiş futbolçusu Pedro Enrike Türkiyədə klubunu dəyişib.

Komanda.az xəbər verir ki, 31 yaşlı braziliyalı yarımmüdafiəçi “Kayserispor”dan “Sivasspor”a keçib. Super Liqa klubu Enrike ilə üç illik müqavilə imzalandığını açıqlayıb. “Kayserispor”a ödəniləcək təzminatın məbləği barədə isə məlumat verilməyib.

Pedro Enrike 2017/18 mövsümündə icarə əsasında “Qarabağ”da çıxış edib. O, 2019-cu ildə müqavilə ilə məxsus olduğu PAOK-dan “Kayserispor”a transfer olunmuşdu.