“Qarabağ”ın HJK ilə matçlarının vaxtı və hakimləri açıqlandı

“Qarabağ”ın UEFA Avropa Liqasının 3-cü təsnifat mərhələsində Finlandiya klubu HJK ilə keçirəcəyi oyunların vaxtı və hakimləri açıqlanıb.

Komanda.az UEFA-nın rəsmi saytına istinadən xəbər verir ki, avqustun 10-da Tofiq Bəhramov adına Respublika stadionunda baş tutacaq ilk görüş saat 20:00-da başlayacaq.

Bakıdakı qarşılaşmanı israilli hakim Roi Reinsreyber idarə edəcək. Ona həmyerliləri David Elias Biton və Saqi Metzamber köməkl göstərəcəklər. Erez Papir dördüncü hakim funksiyasını yerinə yetirəcək.

Avqustun 17-da Helsinkidəki “Bolt Arena”da reallaşacaq cavab matçı Fransadan olan hakimlər briqadasına tapşırılıb. Villi Delajod baş, Ervan Finyean və Filipp Jann köməkçi hakim kimi iş başında olacaqlar. Tomas Leonard ehtiyat referi təyin olunub. Bu oyun saat 21:00-da start götürəcək.