“Baş məşqçimiz şans verərsə, meydana çıxmağa hazıram” – Andrade

“Qarabağ”ın futbolçusu Patrik Andrade zədəsini sağaldıb.

Komanda.az xəbər verir ki, 28 yaşlı yarımmüdafiəçi, klubun saytına açıqlamasında Azərbaycan kubokunun yarımfinal mərhələsinin “Sumqayıt”la cavab qarşılaşmasına tam olmasa da, hazır olduğunu deyib:

“Premyer Liqanın 23-cü turunda “Səbail”lə matçdan sonra sol ayağımın arxa tərəfində ağrılar hiss etməyə başladım. MRT-dən (Maqnit Rezonans Tomoqrafiya) sonra məlum oldu ki, birinci dərəcəli yırtıq var. Bu səbəbdən bir neçə oyunu buraxmalı oldum. Artıq komanda ilə məşqlərə başlamışam. Özümü normal hiss edirəm. Baş məşqçimiz şans verərsə, meydana çıxmağa hazıram”.

Aprelin 29-da Tofiq Bəhramov adına Respublika Stadionunda keçiriləcək “Qarabağ” – “Sumqayıt” görüşü saat 17:00-da başlayacaq. Sumqayıtda keçirilən ilk görüş qolsuz başa çatıb.