“Qarabağ”ın Avstriyadakı rəqibləri müəyyənləşdi

“Qarabağ”ın  Avstriyada təlim-məşq toplanışı çərçivəsində keçirəcəyi yoxlama oyunlarındakı rəqibləri məlum olub.

Komanda.az klubun mətbuat xidmətinə istinadən xəbər verir ki, “köhlən atlar” ilk görüşündə iyunun 25-də (saat 17:00) “Botoşani” (Rumıniya) ilə qarşılaşacaq. Komanda iyunun 29-da isə iki oyuna çıxacaq. “Qarabağ” əvvəlcə saat 12:00-da “Holştayn” (Almaniya), saat 18:30-da “Universitatya Krayova” (Rumıniya) ilə üz-üzə gələcək.

“Qarabağ” Çempionlar Liqasının 1-ci təsnifat mərhələsində Polşa “Lex”i ilə qarşılaşacaq. 

Bizi Telegramda izləyin