“Qarabağ”ın rəqibi hücumçusu ilə yollarını ayırdı

“Qarabağ”ın Avropa Liqasının qrup mərhələsindəki rəqiblərindən olan APOEL klubu bir futbolçusu ilə yollarını ayırıb.

Komanda.az xəbər verir ki, Nikosiya təmsilçisi Minas Antoniunun müqaviləsinə qarşılıqlı razılaşma əsasında xitam verib. Bu barədə klubun rəsmi saytı məlumat yayıb.

2017-ci ildən APOEL-də çıxış edən Minas, son mövsümün ikinci yarısını icarə əsasında “Enosis” klubunda keçirib.

“Qarabağ” Avropa Liqasında “Sevilya”, APOEL və “Düdelanj”la birlikdə A qrupunda mübarizə aparacaq.