“Qarabağ” üçün bizimlə Bakıda oynamaq çətin olacaq” – “Düdelanj”ın prezidenti

“Qarabağ”ın Avropa Liqasındakı rəqiblərindən olan “Düdelanj” klubunun prezidenti Romen Şumaxer açıqlama verib.

Komanda.az “estadiodeportivo.com” saytına istinadən xəbər verir ki, Şumaxer əvvəlcə Avropa Liqasının 3-cü turunda səfərdə “Sevilya” ilə qarşılaşacaqları oyunla bağlı fikirlərini bildirib:

“Bu mövsüm avrokuboklarda etdiklərimiz möcüzədir. Biz həvəskar komandayıq. Növbəti illərdə bunun baş verəcəyi düşünüləsi bir şey deyil.

Ötən mövsüm “Betis”ə 0:3 məğlub olduğumuz oyunda 60 dəqiqə möhtəşəm oynamışdıq. Bu dəfə “Sevilya”nın daha güclü olduğunu düşünürəm. “Sevilya” bizə görə başqa bir dünyadır”.

Şumaxer, Bakıda “Qarabağ”la üz-üzə gələcəkləri oyunla bağlı da düşüncələrini söyləyib:

“APOEL-ə Nikosiyada qalib gəldik, ancaq sonra “Qarabağ”a uduzduq. Yenidən APOEL-i məğlub edib, onları təəccübləndirmək asan olmayacaq. “Qarabağ” üçün bizimlə Bakıda oynamaq çətin olacaq. Seçimlərimiz azdır, ancaq mümkünsüz deyil. Bizim kimi həvəskar komandaların hansısa seçimlərə malik olması özü böyük şeydir”.