“Qarabağ”dan azarkeşlərə müraciət

UEFA Avropa Liqasının qrup mərhələsinin 2-ci turunda İsveçdə “Hakken”lə üz-üzə gələcək “Qarabağ” azarkeşlərə müraciət edib.

Komanda.az klubun rəsmi “feysbuk” səhifəsinə istinadən xəbər verir ki, komandanı tribunadan dəstəkləmək istəyən fanatlar biletləri oyun günü yerli vaxtla saat 19:00-dan etibarən qarşılaşmanın keçiriləcəyi “Ullevi” stadionunda 8-ci qapının qarşısından ala bilərlər.

Tərəfdarlardan şəxsiyyət vəsifəqəsini təsdiq edən sənədi özləri ilə götürməsi tələb olunub. Biletlərin qiyməti 22 avrodur.

Oktyabrın 5-də oynanılacaq “Hakken” – “Qarabağ” görüşü saat 23:00-da başlayacaq.