“Qarabağ”da istirahət günü

Türkiyədə təlim-məşq toplanışında olan “Qarabağ” bu gün istirahət edib.

Komanda.az xəbər verir ki, ötən gün baş tutan Rumıniyanın “Akademika Klinçeni” klubuna qarşı yoxlama oyunu (2:2) ilə Antalyada davam edən qış təlim-məşq toplanışının ilk mərhələsini başa vuran komanda bir günlük istirahətin ardından sabah ikinci mərhələyə start verəcək.

Qeyd edək ki, Qurban Qurbanovun kollektivi Antalyada daha 3 oyun keçirəcək. “Köhlən atlar” yanvarın 22-sində Qazaxıstanın “Jetisu”, 25-ində isə Çexiyanın “Siqma” və Polşanın “Visla” (Plok) komandaları ilə üz-üzə gələcək.