“Qarabağ” – “Səbail” matçının biletləri satışda

Azərbaycan Premyer Liqasının 26-cı turunda keçiriləcək “Qarabağ” – “Səbail” qarşılaşmasının biletləri onlayn şəkildə satışa çıxarılıb.

Komanda.az xəbər verir ki, biletlərin qiyməti sektorlara uyğun olaraq dəyişir.

Qapıarxası və künclərdə yerləşən sektorlar 5 manat, mərkəzi sektorlar 10 manat, VIP biletlər isə 20 manat təşkil edir.

Biletləri hələlik yalnız iticket.az-dan onlayn ala bilərsiniz. Oyun günü isə biletlər iticket.az və “Azersun Arena”nın kassasında satışda olacaq.

Qapılar azarkeşlər üçün matçın start fitindən 90 dəqiqə əvvəl açılacaq.