“Qarabağ” sabahdan başlayır

Azərbaycanı futbol üzrə UEFA Çempionlar Liqasında təmsil edəcək “Qarabağ” sabahdan etibarən yeni mövsüm üçün hazırlığa start verəcək.

Komanda.az xəbər verir ki, Premyer Liqada mövsüm başa çatandan bəri istirahətdə olan Ağdam təmsilçisi Bakıda toplaşacaq. Paytaxtda təxminən 10 gün davam edəcək hazırlığın ardından komanda iyunun 18-də Avstriyaya yola düşəcək.

“Qarabağ” Avstriyada 4 yoxlama oyunu keçirəcək. Qurban Qurbanovun çalışdırdığı kollektiv burada Bolqarıstanın “Ludoqorets” (22 iyun), Rumıniyanın “Krayova” (25 iyun), Rusiyanın “Ufa” (28 iyun), Çexiyanın “Viktoriya” (2 iyul) klubları ilə qarşılaşacaq.