“Qarabağ” – “Olimpiakos” matçının biletləri satışa çıxarıldı

“Qarabağ”ın Bakıda Yunanıstan “Olimpiakos”una qarşı keçirəcəyi UEFA Avropa Liqasının qrup mərhələsinin 4-cü tur oyunu üçün biletlər satışa çıxarılıb.

Klubdan Komanda.az-a verilən məlumata görə, qiymətlər müvafiq olaraq 5, 20, 30, 75 və 100 manat təşkil edir.

Biletləri matçın oynanılacağı Tofiq Bəhramov adına Respublika stadionunun kassalarından, “ıticket.az”-ın satış məntəqələrindən (onlayn satış), Ağdam təmsilçisinin Park Bulvardakı fan-şopundan, eləcə də 28 mall və Gənclik mall ticarət mərkəzlərindən almaq olar.

Oktyabrın 13-də keçiriləcək qarşılaşma saat 20:45-də başlayacaq.