“Qarabağ” – “Marsel” matçına bilet satışı dayandırılıb

Bakıda “Qarabağ” və “Marsel” (Fransa) arasında keçiriləcək UEFA Konfrans Liqasının pley-off mərhələsinin cavab oyunu üçün bilet satışı dayandırılıb.

Komanda.az xəbər verir ki, bu barədə Ağdam klubunun rəsmi saytı məlumat yayıb. Bildirilib ki, sistemdə aparılan yeniləmə işlərinə görə, matça bilet satışı bu gün ərzində baş tutmayacaq.

Fevralın 21-də, saat 11:00-dan isə biletlər yenidən satışda olacaq.

Fevralın 24-də Tofiq Bəhramov adına Respublika stadionunda keçiriləcək oyun saat 21:45-də başlayacaq. Fransadakı ilk oyunda “Qarabağ” 1:3 hesabı ilə uduzub.