“Qarabağ” Məsut Özili Bakıya gətirir

Karyerasını başa vurmuş türkiyəli sabiq futbolçu Məsut Özil Bakıya gəlir.

Komanda.az xəbər verir ki, səfərin təşkilatçısı “Qarabağ” klubudur.

Klubun bununla bağlı yaydığı açıqlamada bildirilir:

“Dəyərli azarkeşlərimiz!

Adını futbol tarixinə qızıl hərflərlə yazdırmış Mesut Özil qonağımız olacaq! Komandamızın açıq məşqinin ardından dünya futbolunun sevilən ulduzu gənc futbolçularımızla əyləncəli oyunda üz-üzə gələcək! Bu maraqlı şounu qaçırmayın! 

Sürprizlərlə və hədiyyələrlə zəngin futbol axşamı sizi gözləyir! 

Tədbir oktyabrın 11-i, saat 16:30-da “Azersun Arena”da başlayacaq.  Giriş sərbəstdir”.

“Qarabağ” bütün futbolsevərləri stadionununa dəvət edib.