“Qarabağ” – “Aşdod” matçına nə qədər bilet satılıb?

“Qarabağ” Konfrans Liqasının 2-ci mərhələsində İsrailin “Aşdod” komandasını qəbul edəcək.

İyulun 22-də, Tofiq Bəhramov adına Respublika stadionunda keçiriləcək qarşılaşmaya bilet satışı davam edir. Klubun mətbuat xidmətindən Komanda.az-a verilən məlumata görə, matç üçün 5000-dən çox bilet satılıb.

İyulun 22-də keçiriləcək “Qarabağ” – “Aşdod” matçı saat 20:00-da start götürəcək. Komandalar arasındakı cavab matçı iyulun 29-da, İsraildə olacaq.

Koronavirus pandemiyası ilə əlaqədar stadion tutumunun 50 faizi qədər azarkeş tribunalara buraxılacaq. Oyun üçün ümumilikdə 15 min bilet satışa çıxarılıb.