“Qarabağ”ın ilk yoxlama oyununun vaxtı məlum oldu

“Qarabağ” sabah Avstriyada ilk yoxlama oyununu keçirəcək.

Komanda.az klubun “facebook” səhifəsinə istinadən xəbər verir ki, Qurban Qurbanovun rəhbərlik etdiyi kollektiv “Ludoqorets” klubu ilə qarşılaşacaq. Bolqarıstan təmsilçisi ilə matç saat 20:00-da start götürəcək.

“Qarabağ” Avstriyada ümumilikdə 4 yoxlama oyunu keçirəcək. “Köhlən atlar” burda “Ludoqorets”dən başqa, Rumıniyanın “Krayova” (25 iyun), Rusiyanın “Ufa” (28 iyun), Çexiyanın “Viktoriya” (2 iyul) klubları ilə də qarşılaşacaq.