“Qarabağ” keçmiş futbolçusu ilə müqavilə imzalayacaq

“Qarabağ” klubu keçmiş futbolçusu Patrik Andradeni geri qaytarır.

Komanda.az-ın əldə etdiyi məlumata görə, Kabo Verde millisinin üzvü bu gün axşam saatlarında Bakıya gələcək. Onun sabah tibbi müayindən keçəcəyi və “köhlən atlar”la müqavilə bağlayacağı gözlənilir.

Andrade ötən ilin yayında “Qarabağ”dan Serbiya klubu “Partizan”a keçmişdi. O, 2020-2022-ci illərdə Ağdam təmsilçisində forma geyinib.

“Qarabağ” bu yay artıq fransalı vinger Hamidu Keyta və braziliyalı yarımmüdafiəçi Juninyonun transferini rəsmiləşdirib.