“Qarabağ” – “Hakken” matçının biletləri satışa çıxarılıb

“Qarabağ”ın UEFA Avropa Liqasının qrup mərhələsinin sonuncu – 6-cı turunda evdə İsveçin “Hakken” klubuna qarşı keçirəcəyi oyununun biletləri satışa çıxarılıb.

Komanda.az “köhlən atlar”ın mətbuat xidmətinə istinadən xəbər verir ki, qiymətlər müvafiq olaraq 5, 20, 40 və 100 manat təşkil edir.

VVIP C və VVIP D sektorlardakı biletlərin qiyməti isə 250 manatdır.

Biletləri t.az-ın satış məntəqələrindən (iticket.az-da onlayn satış), Park Bulvardakı “Qarabağ”ın fan-şopundan, Tofiq Bəhramov adına Respublika stadionunun və Heydər Əliyev sarayının kassalarından əldə etmək mümkündür. ”Changan Azerbaijan”da isə VVIP, VIP və CAT 1 biletlər satılacaq.

Dekabrın 14-də Tofiq Bəhramov adına Respublika keçiriləcək “Qarabağ” – “Hakken” görüşü saat 21:45-də başlayacaq. Azərbaycan çempionu dekabrın 30-da, 5-ci turda isə Norveçdə “Molde”nin qonağı olacaq.