“Qarabağ” “Gent”i məğlub yola saldı

“Qarabağ” bu gün UEFA Konfrans Liqasının pley-off mərhələsində ilk oyununa çıxıb.

Komanda.az xəbər verir ki, “köhlən atlar” Belçikanın “Gent” komandası ilə qarşılaşıb. Saat 21:45-də start götürən oyun Tofiq Bəhramov adına Respublika stadionunda keçirilib.

“Qarabağ” “Gent”lə oyuna bir neçə itki ilə çıxıb. “Köhlən atlar”ın ən böyük itkisi zədə səbəbindən uzun müddətə sıradan çıxan qapıçısı Şahruddin Məhəmmədəliyevdir.

“Gent”lə qarşılaşma Ağdam təmsilçisinin Konfrans Liqasının pley-off mərhələsində ikinci sınağıdır. “Qarabağ” ötən il bu mərhələdə Fransanın “Marsel” klubu ilə qarşılaşmış və mübarizəni dayandıran tərəf olmuşdu.

Belçika təmsilçisi ilə ilk oyun isə Azərbaycan çempionunun qələbəsiylə yekunlaşıb.

Bu komandalar arasındakı cavab oyunu fevralın 23-də, Belçikada keçiriləcək.

Konfrans Liqası, 1/16 final
İlk oyun

16 fevral

Qarabağ – Gent (Belçika) 1:0
Qol: L.Andrade, 78.
Matçın 52-ci dəqiqəsində R.Şeydayev penaltidən yararlana bilməyib (qapıçı)
Hakimlər: Məhəmməd Al-Hakim Fredrik Klyver, Robin Vilde, Bojan Pandzic (hamısı İsveç)
VAR hakimləri: Bartosz Frankovsk, Pavel Pskit (Polşa)
Hakim-inspektor: Uno Tutk (Estoniya)
UEFA nümayəndəsi: Peadar Ryan (İrlandiya)
Bakı. T.Bəhramov adına Respublika stadionu

Qarabağ: 23. Luka Quqeşaşvili. 6. Julio Romao, 8. Marko Yankoviç, 9. Musa Qurbanlı, 10. Abdullah Zubir, 13. Bəhlul Mustafazadə, 15. Leandro Andrade, 29. Marko Veşoviç, 44. Elvin Cəfərquliyev, 55. Bədavi Hüseynov (k), 77. Ramil Şeydayev.
Ehtiyat oyunçular: 89. Amin Ramazanov, 94. Ayhan Arazlı, 2. Qara Qarayev, 4. Rahil Məmmədov, 5. Maksim Medvedev, 7. Yassin Benzya, 18. İsmayıl İbrahimli, 19. Filip Ozobiç, 20. Riçard Almeyda, 27. Toral Bayramov, 87. Adama Diakabi, 99. Redon Cica.
Baş məşqçi: Qurban Qurbanov.
Gent: 33. Deyvi Rof, 2. Cozef Okumu, 5. Mişel Nqadye-Nqadyui, 7. Xönseok Xon, 11. Uqo Kuypers, 13. Jülyen De Sart, 14. Alessio Kastro-Montes, 20. Villi Orban, 23. Cordan Torunariqa, 24. Sven Kums (k), 31. Bruno Qodo.
Ehtiyat oyunçular: 1. Pol Nardi, 10. Yens Petter Hauge, 17. Endryü Hyulsager, 19. Malik Fofana, 22. Seleyman Marre, 25. Nurio Fortuna, 29. Loran Depuatr.
Baş məşqçi: Heyn Vanhazebruk.