“Qarabağ” – “Frayburq” matçı 6-cı oldu

UEFA Avropa Liqasının qrup mərhələsində 6-cı turun oyunlarını tribunalardan izləyən azarkeşlərin sayı məlum olub.

Komanda.az xəbər verir ki, 16 matçda ümumilikdə 370000-dən çox tamaşaçı iştirak edib.

Bakıda “Qarabağ”la Almaniyanın “Frayburq” komandaları arasında keçirilmiş G qrupunun qarşılaşması 6-cı sırada yer alıb. Matçı 30430 azarkeş izləyib.

Ən çox fanat isə “Roma” (İtaliya) – “Ludoqorets” (Bolqarıstan) oyununda qeydə alınıb. İtaliyadakı matçda 60 807 azarkeş olub.

“Qarabağ” qrupdakı sonuncu qarşılaşmada rəqibi ilə 1:1 hesablı heç-heçə edərək, Avropa Liqası ilə vidalaşıb. “Köhlən atlar” UEFA Konfrans Liqasının pley-offunda mübarizə aparacaq.