“Qarabağ” derbinin hazırlığına itkilərlə başlayacaq

Milli komandaların oyunları ilə əlaqədar çempionatda yaranmış fasilədən istifadə edən “Qarabağ” istirahətdədi.

Komanda.az klubun mətbuat xidmətinə istinadən xəbər verir ki, ölkə çempionu sentyabrın 6-da istirahətdən qayıdacaq.

Komanda həmin gündən bir araya gələcək. Yığmalara çağırılanlar və zədəlilər məşqçilər korpusunun ixtiyarında olmayacaq. Ağdam təmsilçisi baş məşqçi Qurban Qurbanovun rəhbərliyi altında Azərbaycan Premyer Liqasının 4-cü turunda “Neftçi” ilə keçiriləcək oyuna hazırlaşacaq.

Qeyd edək ki, “Qarabağ” – “Neftçi” matçı sentyabrın 15-də Tofiq Bəhramov adına Respublika Stadionunda keçiriləcək.