“Qarabağ” bu gün 2 oyuna çıxacaq

Avstriyada təlim-məşq toplanışında olan “Qarabağ” bu gün iki yoxlama oyunu keçirəcək.

Komanda.az xəbər verir ki, “köhlən atlar” günün ilk oyununda Almaniyanın “Holştayn Kiel” komandası ilə üz-üzə gələcək. “St. Ulrix” stadionundakı qarşılaşma saat 14:00-da başlayacaq.

Toplanışın və günün son matçında isə rəqib Rumıniyanın “Universitatya Krayova” komandası olacaq. “Yenbax” stadionunda oynanılacaq oyun saat 20:30-da start götürəcək.

“Qarabağ” Avstriyadakı ilk yoxlama oyununda Rumıniyanın “Botoşani” komandasını darmadağın edib – 4:0.