![](https://komanda.az/wp-content/uploads/2022/02/kadi-borqes.jpg)
Kadinin qolu “Qarabağ”ın tarixinə düşdü
“Qarabağ” Azərbaycan çempionatlarında 1300-cü qolunu vurub.
Komanda.az xəbər verir ki, yubiley Premyer Liqanın 15-ci turunun “Neftçi” ilə görüşünə təsadüf edib. 2:1 hesablı səfər qələbəsi qazanan Ağdam klubunun ikinci qolu tarixi əhəmiyyət kəsb edib. Kadi Borqes ölkə çempionatlarında 840-cı oyununa çıxan “Qarabağ”ın 1300-cü qolunun müəllifi olub. Bu top həm də “Neftçi” ilə qarşılaşmalarda 100-cü çempionat qoludur.
1992-ci ildən keçirilən ölkə çempionatlarının daimi iştirakçısı olan “Qarabağ” evdə 750, səfərdə 535, neytral meydanda 15 top vurub. Ağdamlılar 1300 və daha çox qol vuran ikinci komandadır. Yalnız “Neftçi”nin aktivində daha çox top var.
Bizi Telegramda izləyin
Bizi Facebook-da izləyin