“Qarabağ” Avstriyaya çatdı

Azərbaycanı futbol üzrə UEFA Çempionlar Liqasında təmsil edəcək “Qarabağ” təlim-məşq toplanışı üçün yollandığı Avstriyaya çatıb.

Komanda.az xəbər verir ki, Qurban Qurbanovun çalışdırdığı kollektiv sabahdan etibarən ilk məşqinə çıxacaq.

Ağdam klubu 2 həftəlik toplanış çərçivəsində 4 yoxlama oyunu keçirəcək. “Qarabağ” iyunun 22-də Bolqarıstanın “Ludoqorets”, iyunun 25-də Rumıniyanın “Universitatya Krayova”, iyunun 28-də Rusiyanın “Ufa”, iyulun 2-də isə Çexiyanın “Viktoriya” komandası ilə qarşılaşacaq.