“Düdelanj”dan “Qarabağ” azarkeşlərinə 30 avroluq biletlər

“Qarabağ” Avropa Liqasının qrup mərhələsinin 2-ci turunda Lüksemburqun “Düdelanj” klubunun qonağı olacaq.

Komanda.az “Qarabağ”ın rəsmi “facebook” səhifəsinə istinadən xəbər verir ki, Ağdam təmsilçisini səfərdə dəstəkləyəcək azarkeşlər oyun günü stadionun qonaq sektorunun önündə satış məntəqəsindən biletlərini əldə edə bilərlər.

Biletlərin qiyməti meydan sahibi tərəfindən 30 avro olaraq müəyyənləşdirilib.

Oktyabrın 3-də keçiriləcək “Düdelanj” – “Qarabağ” oyunu saat 23:00-da start götürəcək.