“Qarabağ” Andrade ilə müqavilənin müddətini açıqladı

“Qarabağ” Kabo-Verde millisinin üzvü Patrik Andrade ilə 2+1 illik müqavilə imzalayıb.

Komanda.az klubun mətbuat xidmətinə istinadən xəbər verir ki, o, 66 nömrəli formada çıxış edəcək.

Xatırladaq ki, Andrade daha öncə 2020-2022-ci illər aralığında Ağdam təmsilçisində oynayıb. Sonra o, Serbiyanın “Partizan” klubuna keçib. 30 yaşlı futbolçu 2022/23 mövsümündə bu komandada bütün turnirlərdə 26 oyunda iştirak edib, 2 qol vurub və 3 qolun ötürməsini edib.