Reytinq: “Qarabağ” 9 pillə gerilədi

Beynəlxalq Futbol Tarixi və Statistikaları Federasiyası (IFFHS) klubların yeni dünya reytinqini açıqlayıb.

Komanda.az xəbər verir ki, 403 komandadan ibarət siyahıda Azərbaycanın 3 təmsilçisi var.

Ən yaxşı göstərici “Qarabağ”a məxsusdur. Ağdam təmsilçisi 131,5 xalla 70-ci yerdədir. “Qarabağ” ötən ayla müqayisədə 9 pillə geriləyib.

“Neftçi” və “Sabah” da reytinqdə geriləyib. “Ağ-qaralar” 318-ci sıradan 340-a, “Sabah” isə 302-ci mövqedən 342-ci pilləyə düşüb.